«Ձեռնպահ կմնամ նման գործողություններին գնահատական տալուց»․ ԱԳՆ խոսնակ

Ինչպես հայտնել էինք՝ հայկական գյուղմթերքը երեկվանից չի թույլատրվել վաճառել Ռուսաստանի խոշոր շուկաներում, մասնավորապես մոսկովյան «Ֆուդ սիթի»-ում:

Թեմայի առնչությամբ այսօր՝ ճեպազրույցի ժամանակ ՀՀ ԱԳՆ խոսնակ Աննա Նաղդալյանն ասաց. «Ռուսաստանում ՀՀ դեպանությունը՝ դեսպանի մակարդակով և Հայաստանում համապատասխան գերատեսչությունները համակարգմամբ աշխատում են նախ այդ խնդրի հասցեագրման ուղղությամբ: Ես դեռևս ձեռնպահ կմնամ նման գործողություններին գնահատական կամ մեկնաբանություն տալուց, քանի որ արտաքին քաղաքական գերատեսչության առաջնային նպատակը ներկայում այդ խնդրի հասցեագրումն է և դրան լուծում տալը»: