ԲԴԽ-ն կասեցրել է դատավորներ Արա Կուբանյանի և Գևորգ Նարինյանի լիազորությունները

Բարձրագույն դատական խորհրդի նախագահ Ռուբեն Վարդազարյանն այսօր երկու որոշում է ստորագրել՝ դադարեցնելով Սնանկության դատարանի դատավորներ Արա Կուբանյանի և Գևորգ Նարինյանի լիազորությունները: Այս մասին տեղեկանում ենք ԲԴԽ պաշտոնական կայքից:

Կուբանյանն ու Նարինյանը մեղադրյալ են պաշտոնատար անձանց կողմից պաշտոնեական լիազորությունները չարաշահելու, նշված չարաշահումներին հանցակցելու, պաշտոնեական կեղծիքի, ապօրինի հարստացման, հայտարարագրման ենթակա տվյալները թաքցնելու, հանցավոր ճանապարհով ստացված առանձնապես խոշոր չափերով գույքն օրինականացնելու դեպքերի առթիվ ՀՀ ազգային անվտանգության ծառայության քննչական դեպարտամենտում քննվող քրեական գործի շրջանակում: Նարինյանը երեկ կալանավորվել էր, իսկ Կուբանյանին կալանավորելու միջնորդությունը դատարանը մերժել է: