«Բախումը ոչ միայն պատռեց ադրբեջանական բանակի դեմքը, այլ նաև Ադրբեջանի իշխանության դեմքը միջազգային հարթությունում․ Կ․ Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրել է. «Պաշտոնական Բաքուն մինչև հուլիսի 12-ի ռազմական սադրանքը, պնդում էր, որ իրենք խնդիր չունեն հայ-ադրբեջանական սահմանին, և որ անգամ ԶՈՒ-ին այդ հատվածներից հանել են, և տեղակայել են սահմանապահ ուժերին։ Բաքուն սա որպես խաղաթուղթ օգտագործում էր միջազգային հարթություններում, տարատեսակ զեկույցների ժամանակ փորձում էր սա խցկել զեկույցների արանքները։

Սակայն այս բախումը ոչ միայն պատռեց ադրբեջանական բանակի դեմքը, այլ նաև Ադրբեջանի իշխանության դեմքը միջազգային հարթությունում, և որ մենք էլ մեր հերթին պետք է նպաստենք, որպեսզի ավելի տեսանելի դարձնենք սահմանապահների փաթեթավորմամբ ագրեսիան։
Եթե հայ -ադրբեջանական սահմանին իսկապես սահմանապահ ուժերն էին, ապա այդտեղ ինչ էին անում ԶՈՒ գեներալը, գնդապետը, ապա հրետանին ինչ գործ ուներ գյուղերում, և որ ամենագլխավորը, ապա Ադրբեջանի ԶՈՒ հաշվեկշռում գտնվող «Յաշման» ինչ գործողություն էր իրականացնում։
Այն, որ Ադրբեջանն իրականում հենց ՀՀ սահմանին էլ տեղակայել է ԶՈՒ-ն, սակայն փորձում է միջազգային հանրությանը ցույց տալ է սահմանապահ ուժեր են, հերթական մոլորեցնող քաղաքականությունն է և, կրկնում եմ, այն պետք է մեր կողմից անընդհատ բարձրաձայնվի»։