Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Վահրամ Ավետիսյանը մտնում է նույն տրամաբանության մեջ». Պետրոս Մակեյան

«Վահրամ Ավետիսյանը մտնում է նույն տրամաբանության մեջ». Պետրոս Մակեյան
276
Երկուշաբթի, 27 հուլիսի, 2020 թ., 22:40

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «Մերժվածները համաներվում են

Հաճախ եմ առիթ ունեցել անդրադառնալու գործող իշխանության կադրային քաղաքականությանը, մասնավորապես՝ հիմնական կադրային բազան մնացել է նախկին կոռուպցիոն համակարգը՝ համալրված «իմքայլական» արևմտյան գրանտներով սնված երիտասարդներով, նախկին ռեժիմին սպասարկած կարիերիստներով, որոնք կարևոր տեղ են ունեցել նաև նախորդ իշխանության ժամանակ։ Սահմանադրական դատարանի թեկնածու Վահրամ Ավետիսյանը մտնում է նույն տրամաբանության մեջ՝ նախկին կոռումպացված համակարգի խոշոր թալանչիները, որոնք ժողովրդից և պետությունից գողացած միջոցներով ժամանակին իրենց զավակներին կարիերա են ստեղծել, հիմա համալրում են «հեղափոխական» իշխանությանը։

2018-ին ժողովուրդը մերժեց ոչ միայն Սերժին, այլև նրա ձևավորած համակարգը։ Ցավոք, երկու տարի անց պարզվում է, որ ոչ թե մերժվեց Սերժը և կոռումպացված քրեաօլիգարխիկ համակարգը, այլ նրանք, ովքեր տասնամյակներ շարունակ պայքարել են նրաց դեմ»։