Մոսկվայի դատարանը 5 հայի և 5 ադրբեջանցու է կալանավորել

1101

Չորեքշաբթի, 29 հուլիսի, 2020 թ., 10:40

Մոսկվայի դատարանը կալանավորել է հուլիսի 24-ի գիշերը հայերի և ադրբեջանցիների միջև բախումների 10 մասնակցի: Ընդ որում՝ կալանավորվել են 5 հայեր և 5 ադրբեջանցիներ: Նրանք բոլորը մեղադրվում են ՌԴ Քրեական օրենսգրքի 213 հոդվածի 2-րդ մասով (խուլիգանություն՝ մի խումբ անձանց մասնակցությամբ), գրում է ТАСС-ը։ Դատարանը խափանման միջոց է ընտրել կալանավորումը։ Կալանավորված հայերն են՝ Արտակ և Սեյրան Նիկոյանները, Արսեն և Արմեն Ապրեյանները, Արգիշտի Պետրոսյանը:

Հիշեցնենք՝ համացանցում տեսանյութեր էին տարածվել, թե ինչպես է ադրբեջանցիների ամբոխը հարձակվում հայկական պետհամարանիշով մեքենայի վրա, ծեծում վարորդին։ Օգտատերերը հայտնել էին նաև հայ բնակիչների վրա հարձակումների մասին։