Չորեքշաբթի, 16 հուլիսի, 2025 թ.
|
Ստեփանակերտում`   +22 °C

«Ինչո՞ւ Ալիևը չի «սիրում» Սորոսին». Գագիկ Համբարյան

«Ինչո՞ւ Ալիևը չի «սիրում» Սորոսին». Գագիկ Համբարյան
302
Ուրբաթ, 31 հուլիսի, 2020 թ., 20:00

Քաղաքագետ Գագիկ Համբարյանը Ֆեյսբուքի իր էջում գրել է. «Ինչո՞ւ Ալիևը չի «սիրում» Սորոսին

Մեր արևելյան հարևան, բռնապետ Իլհամ Ալիևը երեկ Բալաքենում հերթական ASAN կենտրոնի բացման ժամանակ ելույթ է ունեցել և հայտարարել, որ Հայաստանի այս իշխանությունները Սորոսի գործակալներն են... Շատ հետաքրքիր է, որ Իլհամ բաբայի այս ելույթը հաջորդեց Հայաստանի նախկին նախագահ Ռոբերտ Քոչարյանի հուլիսի 29-ին հայաստանյան երեք հեռուստաընկերություններին տված հարցազրույցին, որի ժամանակ Քոչարյանը ևս անդրադարձավ իշխանատեղափոխությունից հետո Հայաստանում Ջորջ Սորոսի կողմից հովանավորվող ՀԿ-ների ներկայացուցիչների իշխանական մաս կազմելու փաստին և դրա ազդեցությանը մեր հասարակության վրա...

Իլհամ բաբայի ելույթը հայաստանյան սորոսականներն սկսեցին օգտագործել հօգուտ Նիկոլի իշխանության, որի փայատերերից մեկն իրենք են, արդեն տեղեկատվական արշավ սկսեցին, որ Սորոսի թշնամիները միայն հակաժողովրդավարական և կոռումպացված հայաստանյան ուժերն են և Ադրբեջանի բռնապետը, ինչպես նաև մեկ անգամ ևս Իլհամի ելույթի միջոցով կփորձեն «ապացուցել», որ իրենց առաջնորդը՝ Ջորջ Սորոսը, կապ չունի Իլհամի հետ, ով, ըստ վարկածներից մեկի, հովանավորել է Հայաստանում տեղի ունեցած, այսպես կոչված, թավշյա հեղափոխությունը...
Հավելեմ, որ Իլհամի և Սորոսի թշնամության բեմադրությունը շատ պրիմիտիվ է, քանի որ, օրինակ, Ուկրաինան և Վրաստանը, որտեղ սորոսականները ևս շատ ուժեղ դիրքեր ունեն այդ երկրների իշխանական բուրգում, հիանալի հարաբերություններ ունեն «հակասորոսական», բռնապետական և կոռումպացված Բաքվի հետ... Հետաքրքիր է, Ջորջ Սորոսը չի՞ տեսնում՝ իր ուկրաինացի և վրացի հետևորդներն ո՛ւմ հետ են համագործակցում...

Հ. Գ. Ամեն դեպքում շատ տարօրինակ էր Քոչարյանի «սորոսաքննադատական» ելույթից հետո հանկարծ ունկնդրել Իլհամ բաբայի հակասորոսական հայտարարությունը...»:

Կարդացե՛ք նաև