Երկուշաբթի, 28 սեպտեմբերի, 2020 թ.
|
Ստեփանակերտում`   +11 °C

«Առողջապահության նախարարությունը կա՛մ լուռ է, կա՛մ ապատեղեկատվություն է տրամադրում». Վահագն Վարագյան

«Առողջապահության նախարարությունը կա՛մ լուռ է, կա՛մ ապատեղեկատվություն է տրամադրում». Վահագն Վարագյան
83
Ուրբաթ, 07 օգոստոսի, 2020 թ., 19:35

«Կանաչ Ապագա» բնապահպանական շարժման ղեկավար Վահագն Վարագյանը ֆեյսբուքյան իր էջում գրել է. «Առողջապահության նախարարությունը լուռ է: Լուռ է, ինչպես միշտ, երբ պետք է խոսի: Կամ խոսում է, բայց բացահայտ ապատեղեկատվություն տրամադրում, ինչպես դա արեց կորոնավիրուսի պարագայում: Հետևանքը տեսնում ենք՝ աղետ և խայտառակություն, որ 1000 մարդու կյանք խլեց: Նույնն ենք փաստում նաև Սևանի պարագայում։ Մեզ չտրամադրելով որևէ հետազոտության արդյունքներ՝ այս մարդկանց միակ խնդիրը հարցը ծածկադմփոց անելն է ու ինչ-ինչ մարդկանց փող աշխատելու հնարավորություն տալը: Հիմքեր կան մտածելու, որ կանաչած Սևանի ջրի իրական վտանգները չի ներկայացվել հանրությանը, որպեսզի իմքայլականների հետ ուղիղ կապ ունեցող շրջանակներ Սևանի ափին բիզնես ծավալեն ու փող աշխատեն: Եվ այս ամենը մեր ժողովրդի առողջության հաշվին»: