«Քթերից ենք բերելու մեզնից կերած կյանքը». Լևոն Բարսեղյան

«Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Գյալմասերժական ֆրակտալ ողբը կոյուղում

Գյալմասերժական կոյուղին պարբերաբար «վերլուծաբանական, գիտահետազոտական-միտահետազոտական հոդվածներ» է գրում մեր մշակած ՀՀ վերականգնման ճանապարհային քարտեզից, որ հրապարակել ենք 2018-ի դեկտեմբերի վերջին, մի քանի ամիս մշակելուց հետո (հայեցակարգը՝ մեկնաբանության մեջ եմ տեղադրում, եթե մարդ կա դեռ անծանոթ է): Հետը, բնականաբար, կպցնում է՝ էլ «սորոսական», էլ «դրսից ֆինանսավորվող», ..., ձեռները հնար լինի, ժամանակը ետ կտան 1937 թիվ կամ գոնե 2008 թվի մարտի 2, ու մեզ գյուլլելու հրամանների կհասնեն:

Էս կոյուղին դնում արտագրում է մեր գրածները, բաժին առ բաժին (արդարադատության, կրթության, ոստիկանության և այլ համակարգերի բարեփոխման մեր առաջարկությունները, ամեն բաժնից հետո մի հոգոց են նվաղում, թե՝ ախ տեսեք, թե ոնց են կործանում գյոզալական երկիրը ...: Այ հողերս ձեր պապաների ու ծիծ տվողների սարքած արդարադատության գլխին էլ, կրթական համակարգի գլխին էլ, ընտրական մեխանիզմի գլխին էլ, ..., բայց ոչ ձեր գլխին: Ձեր գոյությունն աներկբա ցուցիչ է, որ հեղափոխությունն էլ էր անհրաժեշտ, ձեզ ծիծ տվողների ապականությունների դեմ բարեփոխման ամենաարմատական ծրագրերն էլ են անհրաժեշտ:

Կարճ ասած, քանի գյալմիստական, սերժաբարո, փեսայածուծ ու հարակից կոյուղին ոռնում ու վնգստում է Հայաստանի բարեփոխումների ամենազդեցիկ ծրագրերի վրա, դա ամենապարզ ցուցիչ է, որ լավ ենք արել, չուզողի աչքն էլ հանել ենք, երկիրը բռնաբարած հանցագործները պիտի դատվեն և պիտի հատուցեն տված վնասները: Դժվար էլ լինի, երբ էլ լինի, հատուցելու են, նստելու են, բանտի ճաղերն են կրծոտելու, երկինքը վանդակազարդ են տեսնելու, սոված սատկելու են, քթերից ենք բերելու մեզնից կերած կյանքն այդ գարշելի և կատաղած տուզիկների:

Այ, երբ կոյուղին կանտեսի կամ կսկսի գովել իմ, ընկերներիս և հարյուրավոր մարդկանց ու կազմակերպությունների՝ երկրի վերականգնման ծրագրերը, այն ժամանակ, երբ արդեն երկու տարուց ավելի ձգվող ֆրակտալ ողբը կդադարեցնի, այ էդ ժամանակ ամոթ մեզ, ուրեմն՝ անպիտան ենք մեր երկրին»: