Հրապարակվել է Մինսկում զոհված ցուցարարի մահվան պահից լուսանկար

Associated Press լրատվական գործակալությունը հրապարակել է տեսանյութից վերցված կադր, որում, ինչպես պնդում է տեսագրության հեղինակը, պատկերված է օգոստոսի 10-ին Մինսկում զոհված ցուցարար Ալեքսանդր Տարայկովսկին:
Աղբյուրի փոխանցմամբ՝ լուսանկարից հնարավոր չէ ենթադրություն անել, թե ինչն է դարձել տղամարդու մահվան պատճառ:

Ըստ Associated Press-ի՝ զոհված տղամարդու ընկերուհին կարծիք է հայտնել, որ նրան կրակել են ոստիկանները: Զոհվածի հարազատները չեն հավատում պաշտոնական վարկածին, ըստ որի՝ Տարայկովսկին մահացել է, երբ ձեռքի մեջ պայթել է ինքնաշեն պայթուցիկը:

Այսօր տեղի է ունեցել Տարայկովսկու հուղարկավորությունը: Նրա հիշատակին բազմահազարանոց ակցիա է տեղի ունեցել Մինսկում: