«Արդյո՞ք համարում եք, որ եթե մի տեղ ողբերգություն է տեղի ունեցել, պետք է այդ տեղի վրա խաչ քաշել». Ս. Սարգսյան

Ինչպես հայտնի է՝ Սերժ Սարգսյանի ասուլիսը տեղի է ունենում «Հարսնաքար»-ի բացօթյա տարածքում: Լրագրողները հետաքրքրվեցին՝ ինչո՞ւ որոշեցին ասուլիսն անցկացնել հենց այս վայրում: «Շատ լավ հիշում ենք ողբերգությունը, որ տեղի է ունեցել այս հատվածներում, բայց հիշում ենք, որ այն ունեցավ նաև քաղաքական հետևանքներ, հրապարակային դատավարություն տեղի ունեցավ, մարդիկ ստացան խիստ պահանջներ: Մեր թիմի ներկայացուցիչ Ռուբեն Հայրապետյանը վայր դրեց մանդատը: Ողբերգություններից որևէ հաստատություն, որևէ տեղ ապահովագրված չէ: Արդյո՞ք համարում եք, որ եթե մի տեղ ողբերգություն է տեղի ունեցել, պետք է այդ տեղի վրա խաչ քաշել: Այս հաստատությունում արդեն շատ տարիներ տեղի են ունենում հարսանիքներ, ծնունդներ, կնունքներ, ձեր պատկերացմամբ՝ ճիշտ կլինե՞ր այս հաստատությունը փակել, ես այդպես չեմ կարծում»,- ասաց Սարգսյանը: