«Այդ նույն սուտը կրկնում են Քոչարյանի աջակիցները». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Մի երիտասարդ հանրապետական Սերժի խայտառակ հարցազրուցը քննադատողներին վիրավորելուց հետո հայտարարեց, որ նա եղել է Շուշիի «Հարսանիք լեռներում» օպերացիայի թիվ մեկ պատասխանատուն: Սա չիմացության արդյունք չէ: Սա պատահական ասված խոսք չէ: Սա հանրապետական ջահելների համոզմունքն է: Այդ սուտը հետևողականորեն մտցրել են նրանց ուղեղները, որպեսզի չեղած տեղից հերոս կերտեն:

Այդ նույն սուտը կրկնում են Քոչարյանի աջակիցները: Անկախ նրանից, թե ով իրեն կվերագրի որպես Շուշի օպերացիայի պատասխանատու, ստիպված եմ հիշեցնել: «Հարսանիք լեռներում» կամ «Հրազդան» գործողությունը մշակել է ՀՀ Զինված ուժերի գլխավոր շտաբը Գուրգեն Դալիբալթայանի ղեկավարությամբ: Այն ստորագրել են Լևոն Տեր-Պետրոսյանը և Վազգեն Սարգսյանը:

Հիմա դուք որոշեք, թե ովքեր են օպերացիայի պատասխանատուները»: