«Մինչդեռ պահպանողականները հերքում են, որ մեր հասարակությունում բռնություն կա». Սոսի Թաթիկյան

Հանրային կառավարման մասնագետ Սոսի Թաթիկյանը ֆեյսբուքյան իր էջում գրել է. «Պապի կողմից ծեծված 6-ամյա փոքրիկը մահացավ...

Իհարկե, նման ցավալի դեպքեր ամեն երկրում էլ կարող են տեղի ունենալ, ամեն հասարակության մեջ էլ կան բռնարարներ ու հրեշներ:

Սակայն ես վստահ չեմ, որ կա այլ երկիր, որտեղ պահպանողականները պնդում են, որ այդպիսի երևույթներ իրենց երկրում չկան ու չեն կարող լինել, որ դա իրենց ազգի գենին բնորոշ չէ: Այդ անհիմն իդեալականացումը և կույր ժխտողականությունը օգտագործվում է՝ խոչընդոտելու համար այն միջազգային կոնվենցիաներին միանալուն, այն օրենսդրական դաշտի ու նրա կարգավորումների ընդունմանն ու կիրառման մեխանիզմների ամրապնդմանը, որոնք կարող են կանխել նման երևույթներն ու դեպքերը»: