«Ինձ համար զարմանալի են դեսպանատների, ԵՄ ներկայացուցիչների հայտարարությունները». ՀՀ երկրորդ նախագահ

«Աշխարհում ոչ մի հեղափոխություն չի վերցրել մեկից, տվել մյուսին: Եթե վերցրել է, ապա վերջում փոշիացրել է ու ոչ մեկին փայ չի հասել: Պոպուլիստական մի բանաձև է, որը կիրառվում է, և ցավոք մեր ժողովրդի մի մասը դա ընկալում է որպես ճշմարտություն»,- կարծիք է հայտնել ՀՀ երկրորդ նախագահ Ռոբերտ Քոչարյանը՝ արձագանքելով լրագրողի դիտարկմանը, ըստ որի՝ կառավարության մոտեցումը կոռուպցիայի դեմ պայքարում մեկից վերցնելն ու մյուսին տալն է: «Ինձ համար զարմանալի է մի շարք դեսպանատների, ԵՄ ներկայացուցիչների հայտարարությունները: Մի՞թե իրենք այսքանը չեն տեսնում, երբ ասում են՝ չափազանց գոհ են ՀՀ-ում կոռուպցիայի դեմ պայքարի մակարդակից... Երբ անօրինական ձևով ես այդ գումարները կոնֆիսկացնում, հետևանքները չափազանց ծանր են լինելու: «Գոլդեն փելես»-ի ճակատագիրը մինչև այսօր հասկանալի չէ, բեռ է դառել պետության համար»,- շարունակել է նա: Նախկին նախագահի խոսքով՝ ներդրումային միջավայրը նշանակում է օրենսդրություն. ուժային կառույցները պետք է հեռու պահել բիզնեսներից, ստուգումներից, ասֆալտին փռելուց: