«Հայաստանի գլխավոր թշնամին «հայկական» մաֆիան է». Լևոն Շիրինյան

Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Ես՝ որպես քաղաքագետ, պնդում եմ, որ Հայաստանի գլխավոր թշնամին «հայկական» մաֆիան է, որն օտարածին է և ստորագույնն աշխարհում: Նա է, որ, ենթադրում եմ, անասունի կատաղությամբ կռիվ է տալիս ժողովրդի ու հայկական պետականության դեմ: Նա ներկա է, չարորակ քաղցկեղի նման, հասարակական, ընտանեկան ու պետական կյանքի բոլոր շերտերում: Նա ավելին է, քան թուրքական սպառնալիքը: Նրա դեմ պայքարն անկախ Հայաստանի և համայն հայության բովանդակ ուժերի՝ հավաքական կամ անհատ խնդիրն է»: