Երկուշաբթի, 25 օգոստոսի, 2025 թ.
|
Ստեփանակերտում`   +22 °C

«Առաջարկում եմ այս տարի գումար չգանձել դպրոցական դասագրքերի համար». Աննա Կոստանյան

«Առաջարկում եմ այս տարի գումար չգանձել դպրոցական դասագրքերի համար». Աննա Կոստանյան
390
Երկուշաբթի, 31 օգոստոսի, 2020 թ., 20:35

«Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «Դպրոցական դասագրքերը 5-րդ դասարանից վճարովի են, և դրանց համար ծնողի կողմից վճարվելիք գումարները գնում են «Դասագրքերի շրջանառու հիմնադրամին»։
#COVID_19-ը դեռ չի վերացել, և քաղաքացիներից շատերն էլ համաճարակի հետևանքով կորցրած աշխատանքները դեռևս չեն կարողանում վերականգնել և սոցիալական կայուն վիճակ ապահովել ընտանիքի համար։

Առաջարկում եմ այս տարի գումար չգանձել դպրոցական դասագրքերի համար այն ընտանիքներից, ովքեր ՀՀ կառավարություն տարբեր սոցիալական ծրագրերով անապահով կամ աշխատանքից զրկված են ճանաչվել։ Սա հավելյալ բեռ է սոցիալական ծանր վիճակում գտնվող մեր քաղաքացիների համար։ Իսկ ինչպես պետք է բացահայտել այդ քաղաքացիներին, կարծում եմ, դրա ձևերը գիտեն ՀՀ աշխատանքի և սոցիալական հարցերի նախարարությունում և ՀՀ կրթության, գիտության, մշակույթի և սպորտի նախարարությունում»։