«Հիմնավորել ենք, որ ցուցմունքների մեծ մասը սուտ է»․ Երեմ Սարգսյան

«Գագիկ Ծառուկյանի մասնակցությամբ հարցաքննությունն այսօր ավարտվեց․ այս ամբողջ ընթացքում առերեսում էր կատարվում»,- այս մասին ՔԿ-ի դիմաց լրագրողների հետ զրույցում ասաց փաստաբան Երեմ Սարգսյանը։

«Մենք բազմաթիվ հարցեր ունեինք տուժող ճանաչված քաղաքացուն։ Մեր հարցերն ավարտված չեն։ Մենք հնչեցնում էինք հարցեր, որոնք վարույթն իրականացնող մարմինը, մեր համոզմամբ, չի տվել։ Նրանք հիմք ենք ընդունել իրանցիների դատարկ հայտարարությունները՝ իբր Ծառուկյանն իրենցից գումար է հափշտակել, այնինչ փաստերը հաստատում են, որ իրենք են Ծառուկյանից գումար հափշտակել․․․ Վաղը կամ կշարունակվի նույն անձի հետ, կամ այլ անձի հետ տեղի կունենա առերեսումը․․․ Կարծում ենք՝ այլ անձը կլինի այդ նույն անձի եղբայրը կամ հայրը»,- նշեց Երեմյանը՝ հավելելով՝ հաջողվել է էական փաստարկներ հիմնավորել, և ցույց ենք տվել, որ ցուցմունքների մեծ մասը սուտ է։