«Մի՞թե չկար գեթ մեկ տարբերակ 114 դպրոցի տնօրենին ներելու համար». օգտատերը՝ նախարարին

Մի՞թե չկար գեթ մեկ տարբերակ 114 դպրոցի տնօրենին ներելու համար. պարն անբռնազբոս էր, ինքնաբուխ, իսկ Ձեր վճիռը՝ ծանր ու դաժան. այսպիսի հարց ուղղվեց ԿԳՄՍ նախարարին՝ ֆեյսբուքյան ասուլիսի ժամանակ: Օգտատերը խնդրում էր վերանայել 114 դպրոցի տնօրենի աշխատանքից ազատման հարցը:

«114 դպրոցի տնօրենին աշխատանքից ազատելու վերանայման հարցի հետ կապված՝ ես իմ վերաբերմունքն ունեմ: Կարծում եմ COVID-ի այդիպի մեծ տարածման փուլում, հատկապես կրթական հաստատությունների ղեկավարները, պետք է ուենենային, և պե՛տք է ունենան առավել զգոնություն և պատասխանատվություն, և այդ պատասխանատվությունից խուսափելու դեպքում, իմ վճիռները շատ հստակ են: Ես կարծում եմ, որ նման մարդկանց հետ չեմ կարող աշխատել այս համակարգում, երբ որ կասկածի տակ է դրվում և վտանգվում է մեր երեխաների առողջությունը»,- պատասխանեց Արայիկ Հարությունյանը: