«Կառավարությունները կամ դրանց առանձին անդամներ դաժանորեն պատասխան են տալու». Սուրեն Սահակյան

«Քաղաքացու որոշում» կուսակցության գործադիր մարմնի քարտուղար Սուրեն Սահակյանը ֆեյսբուքյան իր էջում գրել է. «Առողջապահության համաշխարհային կազմակերպության ներկայացուցիչներից մեկն ասել ա, որ կորոնավիրուսի դեմ պայքարի շվեդական փորձն էն ա, ինչին երկարաժամկետ պետք ա ձգտեն այլ երկրները։ Ճիշտ ա, սա դեռ ամբողջ կազմակերպության վեջնական ձևավորված կարծիքը չի, բայց դա ժամանակի հարց ա։ Իսկ երբ որ էդ համոզմունքը լինի, հույս ունեմ հակառակը պնդող երկրները տնտեսական խորը ճգնաժամի մատնող ու սեփական ժողովրդին տառապանքների հանգեցնող կառավարությունները կամ դրանց առանձին անդամներ դաժանորեն պատասխան են տալու։

Մի անգամ ներկայիս բարձր պաշտոնյաներից ու դեռևս հարգելի մնացած եզակիներից մեկն ինձ մեղադրեց, թե շատ էլ, որ հիմնականում ճիշտ եմ դուրս գալիս, պետք չի դա անընդհատ մարդու աչքը խոթել։ Լավ։ Փորձում եմ տենց անել։ Բայց եթե դուք իմանայիք՝ ինչքա՜ն դժվար ա հանրային հոսանքին դեմ գնալը։ Ու երբ դու, ի վերջո, ճիշտ ես դուրս գալիս, ի՜նչ մեծ ա գայթակղությունը վայելել դրա միաժամանակ շատ դառն ու շատ քաղցր պտուղները։ Արդեն որերորդ անգամն ա տենց, բայց ես ձևերը չեմ սովորում։ Պետք ա «գույքագրել» էն մարդկանց, որոնք էդ ճանապարհին քեզ պատրաստ էին մոտակա սյունն անարգանքի սյուն դարձնել ու քեզ գամել դրան։ Սենց անցնում, գնում ա, ու իրենք շարունակում են մոլորության մեջ գցել մարդկանց՝ հստակ իմանալով, որ պատասխանատվության չեն կանչվելու այլ կարծիքի հանդեպ իրենց անհանդուրժողականության համար»։