Տղամարդը զայրույթից կտրել է զարմուհու մատները՝ հեռախոսը գցելու համար

1192

Երեքշաբթի, 01 սեպտեմբերի, 2020 թ., 23:40

ՌԴ Ուլան Ուդե քաղաքում ձերբակալվել է տղամարդն, ով կատաղության նոպայի մեջ կտրել է իր զարմուհու մատները: Դեպքը տեղի է ունեցել օգոստոսի 31-ին, երբ 5-ամյա երեխան հոր ու հորեղբոր հետ գնացել է խոտհունձի: Կեսօրին անձրև է եկել, մեծահասակները պատսպարվել են անտառում ու սկսել ալկոհոլ խմել: Հորեղբայրը երեխային է տվել իր հեռախոսը, որպեսզի զբաղվի ու իրենց չխանգարի: Սակայն ինչ-որ մի պահի աղջնակն անզգուշաբար այն ցած է գցել ու վնասել: Կատաղության մոլուցքի մեջ հորեղբայրը նրան ստիպել է ձեռքերը դնել կոճղին ու կացնով հարվածելով՝ կտրել է երեխայի երկու մատը: Հանցագործն այնուհետև փախել է անտառ, երեխայի հայրը նրան հասցրել է հիվանդանոց, որտեղ բժիշկները կարողացել են կարել մատներից մեկը:

Գիշերը հորեղբայրը վերադարձել է դեպքի վայր, որտեղ էլ նրան ձերբակալել են: