Վրաց-հայկական սահմանն ապօրինի հատելու մեղադրանքով 3 մարդ է ձերբակալվել

234

Հինգշաբթի, 03 սեպտեմբերի, 2020 թ., 15:05

Վրաստանի ՆԳ նախարարության սահմանային ոստիկանության աշխատակիցները, անցկացրած օպերատիվ-հետախուզական գործողությունների արդյունքում, ձերբակալել են Հնդկաստանի Հանրապետության 3 քաղաքացու: Այս մասին հայտնում է aliq.ge-ն:

Հետաքննությունը պարզել է, որ վերջինները Հայաստանի Հանրապետությունից խմբակային կերպով ապօրինի հատել են Վրաստանի պետական սահմանը: Գործի առթիվ ընթանում է հետաքննություն: Հանցանքը ենթադրում է 4-5 տարի ազատազրկում:

ՆԳՆ տեղեկատվությամբ՝ 2020 թվականին Վրաստանի պետական սահմանն ապօրինի հատելու կամ հատելու փորձի համար տարբեր երկրների 92 քաղաքացի է պատասխանատվության ենթարկվել: