«Չնայած փառաբանում ենք Մեսրոպ Մաշտոցին, բայց չգիտենք նրա գիրը». Պարույր Հայրիկյան

ԱԻՄ առաջնորդ Պարույր Հայրիկյանը ֆեյսբուքյան իր էջում գրել է. «Հայերիս մեծամասնութիւնը բառի ուղղակի իմաստով արհեստականօրէն անգրագիտացած է եւ այն աստճանի է անգրագիտացուած, որ չի էլ պատկերացնում այդ տխուր իրողութիւնը։
Գրագէտ բառը բաղկացած է գիր եւ գէտ (իմանալ) արմատներից։ Հայոց գիրը (ոչ թէ տառերը միայն, այլ նաեւ գիրը՝ գրելու կարգը) ստեղծել է Մեսրոպ Մաշտոցը։ Հետեւաբար ԳՐԱԳԷՏ նշանակել է Մեսրոպ Մաշտոցի ստեղծած ԳԻՐԸ (տառերն ու գրեալձեւն) իմացող։
Եկեք ազնուօրէն խոստովանենք, որ չնայած փառաբանում ենք Մեսրոպ Մաշտոցին, բայց հիմնականում չգիտենք նրա գիրը եւ անգամ պետականութիւնը վերականգնելուց յետոյ չենք կամենում գիտենալ, այլ խօսքով ԳՐԱԳԻՏԱՆԱԼ, այսինքն՝ նախընտրում ենք անգրագէտ մնալ․․․
Իսկ գրագիտանալու նախնական փուլի համար բաւարար կը լինէր հանրային հեռուստատեսութեամբ ընդամենը երկու ամիս դասընթացներ վարել, ընդամենը․․․
Մարդկութիւնն էլ է գլորւում անորոշութեան գիրկը, բայց մերն ուրիշ է․․․»: