Երեքշաբթի, 29 սեպտեմբերի, 2020 թ.
|
Ստեփանակերտում`   +15 °C

Ֆլեշի Բարսեղի բիզնեսները ծաղկում են

Ֆլեշի Բարսեղի բիզնեսները ծաղկում են
316
Երկուշաբթի, 07 սեպտեմբերի, 2020 թ., 12:15

Վերջին օրերին համացանցում ակտիվացել են զրույցներն այն մասին, որ օլիգարխ, Ֆլեշի Բարսեղ մականվամբ հայտնի Բարսեղ Բեգլարյանի բիզնեսները նկատելիորեն ծաղկում են։
Հանրության աչքից չի վրիպել «Ֆլեշ» բենզալցակայանների ավելացումը Երևանում և մարզերում։ Ասում են, որ Բարսեղ Բեգլարյանին պատկանող բենզալցակայանների թիվը վերջին ամիսներին ավելացել է մոտ 20-ով։ Ըստ լուրերի՝ նա ոչ թե կառուցում է նոր բենզալցակայաններ, այլ գնում է արդեն գոյություն ունեցողները։ Ընդ որում ձեռք է բերում առավել հայտնի անվամբ և տեղակայմամբ բենզալցակայաններ, որոնք այլ ցանցերի մաս չեն կազմում։ Բ․ Բեգլարյանի վերջին ձեռքբերումներից մեկը Կենդանաբանական այգու հարևանությամբ գործող «Արաքս» բենզալցակայանն է։ Համաձայն շրջանառվող լուրերի՝ Բարսեղ Բեգլարյանը փորձում է դառնալ Հայաստանի համար ռազմավարական նշանակության վառելանյութ ներկրող և իրացնող, որի հետ «խաղ անել» իշխանությունները չեն համարձակվի։ Ասում են նաև, որ հանրության մի ստվար զանգված էլ այն կարծիքին է, թե Ֆլեշի Բարսեղն իր դեմ սկսված և արագ կարճված դատական գործողությունների ընթացքում լեզու է գտել իշխանությունների հետ ու նրա բիզնեսների համար իշխանությունը կանաչ լույս է վառել։
Հիշեցման կարգող տեղեկացնենք ընթերցողին, որ Ֆլեշի Բարսեղին են պատկանում Արարատ բանկը, Արարատ ռեզորթ հյուրանոցների ցանցը և Արարատ ապրանքանիշի տակ գործող մի շարք այլ ընկերություններ։