«Վարչապետը մեզ բերեց այստեղ, որ փակի սահմանները». ՌԴ մեկնել ցանկացող ակցիայի մասնակից

«Հայաստանում չեն ապրում գոյատևում են»,- այսօր բողոքի ակցիայի ժամանակ ասաց ՌԴ մեկնել ցանկացող քաղաքացիներից մեկը:
«Ինչպես է, որ մարդը օրինական ճանապարհով մեքենա է վերցրել, դրանով հասել է Վլադիկավկազ, հետո այնտեղից շարունակել է իր ճանապարհը: Անուն չեմ կարող նշել: Այդ մասին նույնիսկ կառավարությունը գիտի, բոլորը գիտեն:

Ճանապարհները բաց են, մարդիկ կարողանում են գնալ»,- նշում է նա:

Նրա խոսքով՝ եթե անգամ խնդրին լուծում չեն տալիս, ապա կառավարությունը պետք է իրեն կեցությամբ, աշխատանքով ապահովի որ նա կարողանա ապրել Հայաստանում. «Վարչապետը ասում էր վերադարձեք հայրենիք, վերադարձանք, ինչ եղավ, երեխեքին դպրոցներում սեռական դաստիարակություն սովորացնենք, եկեղեցու պատմությունը հանում սեռական դաստիարակություն է սովորացնում, դա է ճիշտը: Բերեց այստեղ, որ փակի սահմանները»,- նշում է նա:

Մանրամասները՝ տեսանյութում: