«Շատ եք ուզում հզոր տղամարդ զգալ կրակելով, գնացեք հրաձգարան». Կ. Անտաշյան

Բանաստեղծ Կարեն Անտաշյանը ֆեյսբուքյան իր էջում գրել է. «Երևի պետք ա կազմակերպված շարժում սկսել վայրի կենդանիների որսը՝ անգամ քվոտայավորված որսը արգելելու ուղղությամբ: Ավելի անարդար, անհեթեթ ու անհիմն զբաղմունք, քան մեր ժամանակներում զակայֆ վայրի կենդանի խփելն է՝ չգիտեմ: Հրացանի փոխարեն թույն ֆոտոխցիկ առեք ու գնացեք նկարելու, շատ եք ուզում ձեզ հզոր տղամարդ զգալ կրակելով՝ գնացեք հրաձգարան, գնացեք զորավարժությունների, ուզում եք հաղորդակցվել բնության հետ, գնացեք վրանային արշավի, ով, որ չի հարգում ուրիշ արարածների ապրելու իրավունքը, ինչի ա համոզված, որ իրենն արժանի է հարգանքի՞: Գիտեմ, գրեթե անիմաստ եմ խոսում, բայց դե, չխոսել էլ չեմ կարող»: