«Աննա Դանիբեկյանը մեր արդարադատության «հայելին է»». Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Դատաիրավական համակարգն «անկոտրում» մնաց «իր բարձունքում»... Երկար ու ձիգ տարիներ ծաղրել է և դեռ շարունակում է ծաղրել ժողովրդին... Ո՛չ մի փոփոխություն, ո՛չ մի զգոնություն. այդ ոլորտում համատարած «անտերություն» է...

Հ. Գ. Իսկ Աննա Դանիբեկյանը մեր արդարադատության «հայելին է», որի կերպարում արտացոլված է անորոշությունը, վախը և ոչ պրոֆեսիոնալիզմը... Հենց Աննա Դանիբեկյանի խունացած և նավթալինոտ տիպաժն է, որ օր օրի ավելի է խորացնում իշխանությունների և դատաիրավական համակարգի նկատմամբ անվստահությունը... Այսօր ակնհայտ է, որ այդ համակարգը գտնվում է խորը դեպրեսիոն ճգնաժամի մեջ... Ոչինչ չի փոխվել կամ, եթե անգամ փոխվել է, փոխվել է դեպի վատը, շատ վատը... Այդ համակարգն սպասումների մեջ է, ոմանց շրթունքները «կոռուպցիայի» քաղցի պակասից հոգեվարքի մեջ է...

Երբեք չէի ցանկանա ո՛չ այս մասին մտածել և ո՛չ էլ բարձրաձայնել... Բայց, ցավոք, լրջանալ է պետք...

Ընդամենը տեղին է հիշել «էշին նստելը մի այիբ է, իջնելը՝ երկու» ժողովրդական խոսքը: Մնացյալը՝ հաջորդիվ...»: