«3-րդ տարին է թևակոխում, հանցագործներից ոչ մեկը չի պատժվել». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է.

«Իշխանությունների անկարողություն, թե՞ պարտավորվածություն։ Նախկինները մեզ դատում և մեկուսացնում էին՝ իրենց թալանին, կոռուպցիոն գործարքներին խոչընդոտելու համար, ինչն արվեց 2001-ի սեպտեմբերի 7-ին «Արմենթելի»՝ դարի կոռուպցիոն գործարքի համատեքստում։ Օրվա իշխանությունները չեն կարողանում հիմնավորել և պատասխանատվության ենթարկել այն ամենի համար, ինչն ամբողջ ժողովուրդը գիտի, մասնավորապես՝ Մարտի 1-ի, Հոկտեմբերի 27-ի, Ապրիլյան դավադիր քառօրյայի, իշխանության ուզուրպացման և, արդյունքում՝ 3-րդ տարին է թևակոխում, հանցագործներից ոչ մեկը չի պատժվել և տասնյակ միլիարդավոր դոլարների գողոնից գրեթե ոչինչ չի վերադարձվել և հիմա իշխանությունները հպարտ քաղաքացիներին են դիմում, որպեսզի չխմեն, չծխեն՝ բյուջեն լցնելու համար, իսկ իրենք պարտաճանաչ պարգևավճարներ ստանան, ինչից չեն հրաժարվում նույնիսկ համաճարակի ժամանակ»։