«Ուրախանում եք, որ հայրն արգելում է մորը երեխային տեսնե՞լ». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. «Ընտանեկան վեճ է՝ «հայ ավանդական ընտանիքի» մոտիվներով. մայրը բողոքում է, որ հայրը տարել է երեխային, ու արդեն մի քանի օր է չի կարողանում երեխայի հետ խոսել, ավելին՝ երեխային տուն տանել։ Կարդում եմ նաև հոր պատասխանը։
Ինչու և ինչպես է ստեղծվել այս վիճակը՝ չգիտեմ։
Ընդամենն ասեմ, որ փշաքաղվեցի՝ կարդալով հոր գրառման տակ քաջալերանքի խոսքերը, և հատկապես որ՝ այդ քաջալերողների մեծ մասը կանայք էին։
Լավ, էս ինչ անտրամաբանական չարություն է, էս ինչ քառակուսի բթություն է։
Չեմ ճանաչում ո՛չ հորը, ո՛չ մորը, միայն մի բան գիտեմ, որ ինչքան էլ իրար կոկորդ կրծեն ծնողները, ԻՐԱՎՈՒՆՔ ՉՈՒՆԵՆ երեխաներին օգտագործել իրենց ճղճիմ կամ նույնիսկ չափազանց ծանրակշիռ հաշիվները մաքրելու համար։
Ի՞նչն եք քաջալերում, ինչի՞ց եք ուրախանում։ Ուրախանում եք, որ հայրն արգելում է մորը երեխային տեսնե՞լ։
Հոգեկան հիվա՞նդ եք, սադի՞ստ եք, էն անասուն տեսակի՞ց եք, որ կնոջն սպանող գազան ամուսնուն դատապարտելու փոխարեն ասում են՝ դե երեւի մի բան արել է, որ սպանել է։
Զզվում եմ ձեզանից։ Ձեզնմանների պատճառով՝ էս կյանքից էլ եմ զզվում»։