Չորեքշաբթի, 30 սեպտեմբերի, 2020 թ.
|
Ստեփանակերտում`   +10 °C

Ավստրալիայում մեծ սպիտակ շնաձուկն սպանել է սերֆինգիստին

Ավստրալիայում մեծ սպիտակ շնաձուկն սպանել է սերֆինգիստին
309
Չորեքշաբթի, 09 սեպտեմբերի, 2020 թ., 22:20

Սերֆինգի տեսախցիկները նկարահանել են այն պահը, երբ Գոլդ-Քոստ լողափում մեծ սպիտակ շնաձուկը մարդ է սպանել։ 1958 թ-ից ի վեր սա այդ տեղանքում շնաձկան հարձակման առաջին դեպքն է։
Սարսափելի միջադեպը տեղի է ունեցել Գրինմաունթ լողափի մյուս սերֆինգիստներից ընդամենը մի քանի մետր հեռավորության վրա։ Շնաձուկը կծել է 46-ամյա տղամարդու ոտքը:
Տեսախցիկի կադրերը ցույց են տալիս տղամարդուն, ով ջրի մեջ նստած է հերթի վերջում, երբ շնաձուկը բռնում է նրան և քարշ տալիս ջրի տակ: Մնացած սերֆինգիստներն այդ պահին չեն հասկանում, թե ինչ է կատարվում։ Այնուհետև տեսնում են ջրի վրա, դեմքով դեպի ներքև պառկած մարդուն և նրան դուրս բերում ափ։
Շնաձուկը կծել է ազդրից մինչև ծունկը, իսկ գիշատչի ատամը մնացել է սերֆինգիստի տախտակի վրա։
Գրինմաունթ լողափը, որը գտնվում Է Քվինսլենդի և Նոր Հվ․ Ուելսի սահմանից ոչ հեռու, ունի շնաձկների դեմ պայքարի սարքավորումներ, այդ թվում՝ արգելափակող ցանցեր:
Դեռ հայտնի չէ, թե ինչպես է շնաձուկը խուսափել ցանցերից՝ լողափ հասնելու համար։

Ավստրալիայում մեծ սպիտակ շնաձուկն սպանել է սերֆինգիստին