«Ես ինձ չեմ համարում թեկնածու, որ մեկ անգամ տապալվել է, հիմա երկրորդ անգամ է առաջադրվել». Արթուր Վաղարշյան

Խորհրդարանը քննարկում է ՍԴ դատավորի ընտրության հարցը. հերթը ՀՀ նախագահի առաջադրած թեկնածու Արթուր Վաղարշյանինն է: Հիշեցնենք՝ նա երկրորդ անգամ է առաջադրվում: Առաջին անգամ խորհրդարանի նույն կազմը նրան դեմ էր քվեարկել: «Նախորդ գործընթացը որևէ կապ չունի սրա հետ: Ես հիմա հավակնում եմ նոր ընթացակարգով նոր ազատված տեղին: Ես ինձ չեմ համարում թեկնածու, որ այս տեղի համար մեկ անգամ տապալվել է, հիմա երկրորդ անգամ է առաջադրվել: Իսկ թե ինչո՞ւ է նախագահն ինձ ընտրել, նա շատ ավելի լավ գիտի»,- ասաց Վաղարշյանը: