«Ֆինանսական և այլ աջակցության կարիք ունենք. մեր միակ դաշնակիցն սփյուռքն է». Զարեհ Սինանյան

Այսօր դրվել է ամբողջ ազգի լինելու կամ չլինելու հարցը, վտանգված է ոչ միայն Արցախը, այլև Հայաստանը։ Այս մասին հոկտեմբերի 4-ին, ֆեյսբուքյան ուղիղ եթերով հայտարարեց Սփյուռքի գործերի գլխավոր հանձնակատար Զարեհ Սինանյանը։ «Մենք մեր հայրենակիցների օգնության անհրաժեշտությունն ունենք, մենք դաշնակիցներ չունենք, մենք մի դաշնակից ունենք՝ սփյուռքը, մեր ազգի անբաժանելի մասը, միասին ենք մենք այս պայքարում, իհարկե, շատ ոգևորիչ է այն հախուռն արձագանքը, անհանգստությունը, օգնելու պատրաստակամությունը, որ զգում ենք սփյուռքից, սակայն այդ աջակցությունն այն մակարդակի չէ, որը մեզ անհրաժեշտ է, որպեսզի կարողանանք շարունակել մեր հայրենի հողի պաշտպանությունը։ Կոչ եմ անում շարունակել ձեր օգնությունը, դուք կարող եք մեզ օգնել մի քանի ձևով։ Իհարկե, մենք ֆինանսական աջակցության անհրաժեշտություն ունենք: Ձձեզ կոչ եմ անում, որպեսզի նվիրաբերությունները շարունակեք՝ Հայաստան համահայկական հիմնադրամի միջոցով։ Կոչ եմ անում օգտագործել նաև ձեր հնարավորությունները, գիտելիքները, ներկայությունը, փորձը՝ տեղում ազդելու համար հասարակական կարծքի վրա, դա շատ կարևոր է»։