«Եթե ոտքի չկանգնենք, ենթարկվելու ենք ցեղասպանության». վարչապետ

ՀՀ վարչապետն ուղիղ եթերում մարտակոչ հնչեցրեց վերջին մեկ տարում զորացրված մեր զինվորներին. «Մեր օրենսդրությամբ վերջին մեկ տարվա ընթացքում ծառայությունն ավարտածները ենթակա չեն զորակոչի: Չգիտեմ՝ օրենքն ինչու է էդպես գրվել. խնդիրն այն է, որ վերջին տարում զորացրվածները գործնականում ամենամարտունակ ռեսուրսն են: ՀՀ-ն այսօր ունի էդ մարդկանց կարիքը: Եթե մենք ոտքի չկանգնենք՝ բոլորովս ենթարկվելու ենք ցեղասպանության: Եկել եմ այն եզրակացության, որ այսօր մեր ամենամարտունակ հատվածը վերջին մեկ տարվա ընթացքում զորացրված մեր տղաներն են: Ուզում եմ կոչով դիմել, որ այս պահից սկսած, վերջին մեկ տարվա ընթացքում բանակից զորացրված մեր տղաները ներկայանան Կենտրոնական հավաքակայան ու զինվորագրվեն Հայոց բանակին, զինվորագրվեն նոր Սարդարապատին: Ես անհրաժեշտ հանձնարարականները տվել եմ»,- հայտարարեց վարչապետը՝ հավելելով, որ «նրանք հրավիրվում են հայրենիքի համար կենաց մահու կռիվ տալու»: