«Ղարաբաղ Տելեկոմի վարչական շենքն է տուժել, բայց կապն անխափան եղել է». Ստեփանակերտի փոխքաղաքապետ

«Ստեփանակերտում տասնյակ բազմաբնակարան շենքեր են տուժել, էներգետիկ մասնաճյուղը, որն արդեն վերականգնվել է, Ղարաբաղ Տելեկոմի վարչական շենքը, բայց կապն անխափան եղել է: Ինչ վերաբերում է զոհերին, որևէ հաղորդագրություն չենք կարող տալ»,- ասուլիսի ժամանակ ասաց Ստեփանակերտի փոխքաղաքապետ Սուրեն Թամրազյանը: «Ռիա Նովոստի»-ի թղթակցի հարցին՝ այս պահին որքա՞ն բնակիչ է մնացել քաղաքում, ասաց. «50 տոկոսը քաղաքում է, բայց պետք է դիտակել, որ կան մարդիկ նաև Արցախի ամբողջ տարածքից, եթե խոսքը Ստեփանակերտի քաղաքացիների մասին է, ապա 50-60 տոկոսն այսպես թե այնպես այստեղ է»: