«Այս օրերին երևաց Ռուսաստանի ջայլամային կեցվածքն իր դաշնակցի նկատմամբ». Լ. Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Երբ ես ասում եմ, որ Ռուսաստանը դարեր ի վեր Հայաստանին զոհաբերել է իր շահերի համար, որ օրինակներ եմ բերում ռուս-թուրքական սիրախաղերից, որ առաջին արցախյան պատերազմի ժամանակ իրագործեց հրեշավոր Կոլցո օպերացիան, որ փորձում են ռուս խաղաղապահ տեղակայել, որ Ռուսաստանը չի կատարել ու կատարում իր դաշնակցային պարտավորությունները, երբեմն, առանց հակափաստարկների որոշ մարդիկ ինձ մեղադրում են հակառուսականության մեջ։
Այդպես չի։ Ես ոչինչ չունեմ ռուս ժողովրդի դեմ, հարգում եմ նրան, նրա մշակույթը, մեծ սիրով կարդացել եմ ռուս գրողներին, դիտում եմ ռուսական ֆիլմեր։
Իմ խոսքը վերաբերում ռուսական իշխանություններին՝ ցարերից սկսած վերջացրած Պուտինով։
Այս օրերին, մեր աչքերի առաջ երևաց Ռուսաստանի ջայլամային կեցվածքը իր դաշնակցի նկատմամբ՝ հավասարության նշան դնելով դաշնակցի և նրա թշնամու միջև։
Եթե այսքանից հետո ինձ կմեղադրեն ռուսաֆոբիայի մեջ, ուրեմն մեղադրողները ռուսաքծնող են»։