«Սրանով ի՞նչ ենք ուզում ցույց տալ»․ Էդմոն Մարուքյանը՝ նախարարին

«Նոր լրացված որոշման մեջ նշված է, որ պետական և տեղական ինքնակառավարման մարմինների և պաշտոնատար անձանց գործողությունները քննադատող, հերքող, դրանց արդյունավետությունը կասկածի տակ դնող կամ որևէ այլ կերպ արժեզրկող հաղորդումների հրապարակումն արգելվում է։ Հարց է առաջանում․ երբ մարդկանց մտածելու ազատությունն ուզում ենք սահմանափակել, դրանով ի՞նչ ենք ուզում ցույց տալ։ Օրինակ՝ եթե մեկը տեսնում է, որ մի պաշտոնյա պետական կառավարման մակարդակում ինչ-որ բան է անում, որը խնդրահարույց է, չպիտի քննադատի, հա՞»,- դիմելով Արդարադատության նախարար Ռուստամ Բադասյանին ասաց Էդմոն Մարուքյանը։
«Հատուկ սուբյեկտ սահմանված չէ։ Այսինքն՝ բոլոր այն անձինք, ովքեր նման արարք կկատարեն, հնարավոր է՝ ենթարկվեն քրեական պատասխանատվության, բայց գործ ունենք նյութական հանցակազմի հետ, այսինքն՝ հետևանք պիտի առաջանա»,- պատասխանեց Բադասյանը: