«Այս օրենքով պիտի բոլոր խարդավանքների դեմն առնենք»․ Անդրանիկ Քոչարյան

Ինչպես արդեն հայտնել ենք, ռազմական դրության շրջանակներում սահմանվել են վարչական պատասխանատվության նոր միջոցներ, որոնք այսօր Ազգային ժողովում ներկայացրեց Արդարադատության նախարար Ռուստամ Բադասյանը:
«Այս փաթեթը ճիշտ է այն առումով, որ կկանխի անկումային տրամադրությունները։ Այն միասնությունը, որը հայտարարված է մեր հասարակության մեջ, ամբողջական չէ, բայց մեծ մասամբ մեր հասարակությունը կիսում է պատերազմի բոլոր դժվարությունները։ Ամեն մի ճիշտ բան չէ, որ պետք է հնչեցնել ռազմական պայմաններում»,- այս մասին ԱԺ ամբիոնից հայտարարեց Ազգային ժողովի Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ նշելով, որ օրենքի ընդունումը թույլ կտա բոլոր խարդավանքների դեմն առնել։