«Հենց սրանից պետք է զգուշանանք». Վարդ Սիմոնյան

Լրագրող Վարդ Սիմոնյանը ֆեյսբուքյան իր էջում գրել է. «Սա սև թուղթ չէ, այն, որ Թուրքիան չի խուժել բանակցային ֆորմատ և թեկուզ կարճաժամկետ հրադադար է հաստատվել, արդեն լավ է։ Կարևորը՝ չզբաղվենք այդ թուղթը շուռումուռ տալով, այլ՝ հրադադարի թեկուզ մեկ օրը պարապ չթողնենք։ Ներքաղաքական լարվածություն՝ ահա ինչ կարող է մեր հանրությունը, մեդիան սանձազերծել թշնամու թիկունքում։ Ինչպե՞ս։ Սրանք, վերջապես, պետք է մարտադաշտը մաքրեն իրենց դիակներից և երկրով մեկ պիտի բարձրանա իրենց բազմաձայն բայաթին։ Այդ բայաթին կարելի է վերածել ներքաղաքական խռովության՝ հանգեցնելով Ալիևի կլանի պաշտոնանկության։ Սա հնարավոր է, եթե մենք սոցիալական բոլոր ցանցերը, ամբողջ մեդիան ուղղենք այս թիրախին։ Գաղտնիք չէ, որ պատերազմի ժամին հենց քաղաքական անկայունությունն է տապալում որևէ պետության։ Իմիջիայլոց, հենց սրանից պետք է նաև մենք զգուշանանք․․․. Ի գործ»։