«Քվեարկությանը մասնակցել են բոլոր դատավորները»․ Էդգար Շաթիրյան

«Չգիտեմ՝ որքանով է կոռեկտ այս հարցին պատասխանելը, բայց քանի որ առաջադրված կամ ինքնաառաջադրված էր մեկ թեկնածու, ընտրության համար պահանջվում էր առնվազն հինգ կողմ ձայն։ Քվեարկությանը մասնակցել են բոլոր դատավորները։ Պարոն Դիլանյանը, առնվազն հինգ կողմ ձայն հավաքելով, ընտրվել է ՍԴ նախագահ»,- այս մասին լրագրողների հետ զրույցում ասաց ՍԴ դատավոր Էդգար Շաթիրյանը։
Հարցին, թե Արևիկ Պետրոսյանին և Աշոտ Խաչատրյանին ովքե՞ր էին առաջադրել, ՍԴ դատավորը պատասխանեց․
«Պարոն Թունյանն էր առաջադրել նրանց։ Ներկայացվել են համապատասխան հիմնավորումներ, բայց ՍԴ դատավորի կողմից առաջադրված երկու թեկնածուներն էլ ինքնաբացարկ են հայտնել՝ իրենց պատճառաբանություններով և հիմնավորումներով։
Շաթիրյանը հայտնեց, որ այսօրվա նիստը, աշխատանքային ժամով պայմանավորված, ավարտվեց, վաղը կշարունակվի և կընտրեն ՍԴ փոխնախագահ։