«Այսօր տեղի է ունեցել ամենաթեժ մարտերից մեկը ողջ պատերազմի ընթացքում». Արծրուն Հովհաննիսյան

«Վաղ առավոտից Ադրբեջանն սկսել է լայնամասշտաբ հարձակողական գործողություններ Արցախի սահմանագոտու ողջ երկայնքով: Հատկապես թեժ է եղել հյուսիսային ուղղությունը: Մեծ ծավալուն հրետակոծությունից հետո անցել են լայնմասշտաբ գործողության զրահատեխնիկայի կիրառմամբ»,- ներկայացնելով սահմանային իրավիճակը, հայտնեց ՀՀ ՊՆ ներկայացուցիչ Արծրուն Հովհաննիսյանը: Նա նշեց, որ այսօր, երևի թե, տեղի է ունեցել ամենաթեժ մարտերից մեկը ողջ պատերազմի ընթացքում:

Ա. Հովհաննիսյանի խոսքով՝ այսօրվա մարտերի ընթացքում մեր ստորաբաժանումներին հաջողվել է հետ շպրտել հակառակորդին՝ պատճառելով էական կորուստներ և կասեցնել նրա հարձակողական գործողությունները: