«Պատշաճ չեմ համարել հրապարակայնացնել փակ զեկույցը, քանի որ պատկերները դաժան են»․ Արցախի ՄԻՊ

«Երեկ ամփոփեցի մեկ փակ զեկույց՝ ադրբեջանական զինված ուժերի կողմից հայ քաղաքացիական անձանց և զինծառայողների դիակների հանդեպ անմարդկային վերաբերմունքի դեպքերի վերաբերյալ։ Պատշաճ չեմ համարել հրապարակայնացնել փակ զեկույցը, քանի որ բավականին դեպքեր կան, որ դաժան պատկերներ են ներկայացնում, սակայն արդեն բավականին շատ խողովակներով համապատասխան միջազգային կառույցներին ուղարկել և շարունակում ենք ուղարկել, որ տեսնեն, թե ինչ խնդիրներ կան հայ զինծառայողների դիակների, ռազմագերիների և քաղաքացիական անձանց հանդեպ, որոնք կատարվում են ադրբեջանական զինված ուժերի կողմից»,- այս մասին այսօրվա ասուլիսում ասաց Արցախի ՄԻՊ Արտակ Բեգլարյանը։