«Ալիևն ընդունելի չափերն անցնում է». Վահագն Թևոսյան

ԱԺ «Իմ քայլը» խմբակցության պատգամավոր Վահագն Թևոսյանը ֆեյսբուքյան իր էջում գրել է. «Ես հասկանում եմ, որ ներքին լսարանին ուղղված հայտարարությունները որակով էականորեն կարող են տարբերվել դիվանագիտական լեզվից, բայց Ալիևն ընդունելի չափերն անցնում է:
Սա կարող է վկայել, որ կա՛մ Ալիևն ինքն է անհավասարակշիռ վիճակում, կա՛մ համարում է, որ իր ներքին լսարանն է դուրս գալիս հավասարակշռությունից: Չնայած չի բացառվում, որ երկուսն էլ՝ դիվանագիտական ճնշումներ ու ռազմական նպատակների կատարյալ ձախողում:
Ամեն դեպքում զգոնությունը չենք կորցնում: Ոչինչ դեռ չի ավարտվել, որ նոր բան սկսի»: