«Ադրբեջանցիները համացանցում ծաղրում էին Ալիևին՝ հերիք չէ՞ նույն գյուղերը մի քանի անգամ «ազատագրես»». ՊՆ ներկայացուցիչ

ՀՀ ՊՆ ներկայացուցիչ Արծրուն Հովհաննիսյանը ճեպազրույցի ընթացքում անդրադարձավ նաև Ադրբեջանի նախագահ Իլհամ Ալիևի՝ իրար հակասող հայտարարություններին․ «Այո, կան հակասություններ, և դրանք նկատել են նաև Ադրբեջանի բնակիչները, որոնք երեկ և այսօր համացանցում ծաղրում էին Ալիևին և հարց էին տալիս, թե հերիք չէ՞ նույն գյուղերը մի քանի անգամ «ազատագրես»»։

Պատասխանելով հարցին, թե Սյունիքի մարզի Դավիթ Բեկ բնակավայրում ինչ զինատեսակ է կիրառվել, Ա․ Հովհաննիսյանն ասաց․ «Դավիթ Բեկ բնակավայրում կիրառվել է հրետանային միջոց՝ ոչ մեծ տրամաչափի»։ Նրա խոսքով՝ այս պահին այնտեղ համեմատաբար հանգիստ է։

ՊՆ ներկայացուցիչը, հաջորդ հարցին, թե ի՞նչն է պատճառը, որ մարտերն ինտեսիվությունը կորցրել են, արդյոք այն դիվանագիտության արդյո՞ւնք է, ասաց․ «Ես բազմիցս կրկնել եմ՝ պատճառն Ադրբեջանի կրած կորուստներն են և մարտունակազրկումը»։

Ա․ Հովհաննիսյանը նշեց, որ մարտերը շարունակվում են, սակայն շատ սաստիկ ու ծանր չեն։