«Ծանրագույն մարտեր են Շուշիի համար. դիմակայեք նաև տեղեկատվական դաշտում». Դավիթ Թորոսյան

«Հանուն հայ զինվորի» ՀԿ նախագահ Դավիթ Թորոսյանը ֆեյսբուքյան իր էջում գրել է. «Թե՛ ռազմական, թե՛ տեղեկատվական առումով հուժկու գրոհներ է իրականացնում ադրբեջանական կողմը։ Պետք է բոլոր դաշտերում դիմագրավել, սակայն եթե մեր տղերքը ծանրագույն մարտեր են մղում Շուշիի համար, դուք տեղեկատվական հոսքերի մեջ ձեր կրավորական կեցվածքով, հարվածում եք նաև թիկունքից։ Եթե չգիտեք ինչ ասել, կամ անել, նորմալ է. ռազմական առումով, եթե ուզում եք օգնել, բայց չգիտեք թե ոնց, գնացեք զինկոմիսարիատ, տեղեկատվական առումով՝ գոնե սուս մնացեք, խուճապ մի տարածեք»։