«Վիրավոր զինծառայողների բուժման որևէ մերժում կամ ուշացում չի՛ եղել և չի՛ կարող լինել»․ Արսեն Թորոսյան

Առողջապահության նախարար Արսեն Թորոսյանն այսօր՝ ճեպազրույցի ժամանակ հավաստիացրեց, որ վիրավոր զինծառայողների բուժօգնությունը կազմակերպվում է ըստ պատշաճի։
«Ներգրավված են տասնյակ քաղաքացիական հիվանդանոցներ թե՛ Երևանում, և թե՛ մարզերում»,- ասաց նա։
Թորոսյանը շեշտեց, որ վիրավոր զինծառայողների բուժման որևէ մերժում կամ ուշացում չի եղել և չի կարող լինել. «Մենք ունենք հավելյալ պլանավորած ռեսուրսներ տարբեր զարգացումների համար»,- ընդգծեց նախարարը։