Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Չգիտեմ՝ ինչի համար իմ որդին գնաց, զոհվեց». որդեկորույս մայր

«Չգիտեմ՝ ինչի համար իմ որդին գնաց, զոհվեց». որդեկորույս մայր
244
Ուրբաթ, 13 նոյեմբերի, 2020 թ., 17:30

Ազատության հրապարակում ընթացող ընդդիմադիրների հանրահավաքին ելույթ ունեցավ զոհված մայոր Մկրտիչ Հակոբյանի մայրը․ «40 օր է՝ ես ողբում եմ, ողբալով ոչինչ հնարավոր չէ անել․․․ որդեկորույս մայրեր, ինչո՞ւ այստեղ չեք։ Ես հասարակ, անկուսակցական մի բուժքույր եմ, որը երկրին նվեր տվեց իր առյուծ որդուն։ Ես պատասխան եմ պահանջում։ Պատասխան եմ պահաջում էն մարդուց, ով ստորագրեց և հողերը հանձնեց, և ինչպես իր տիկինը մի հարցազրույցի ժամանակ ասաց՝ «Հանուն ոչնչի», այ, ես հիմա հասկացա, որ հանուն ոչնչի էր»։

«Նորմալ չի, որ չգիտեմ ինչի համար իմ որդին գնաց՝ զոհվեց, ո՞ւր եք որդեկորույս մայրեր։ Հիմա իմ որդու մասունքներն անգամ չկան, դուք դա հասկանո՞ւմ եք, իմ նման հազարավոր մայրեր կան, ես կուզեի այստեղ նրանց տեսնել․․․։ Որտե՞ղ են նրանց մարմինները՝ չգիտեն, որովհետև դա տրված են թուրքին, իրավունք չունենք բերելու՝ հողին հանձնելու»,-ասաց զոհված մայորի մայրը։