«Նիկոլը հեռանալու է, բայց մինչ դա ստանձնած պարտավորություններ ունի կատարելու». Ստեփան Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է. «Նիկոլը մոտ ժամանակները հեռանալու է։ Պետք է բացառիկ մանկամիտ լինել, դա չհասկանալու համար։

Մինչ հեռանալը, կարճ ժամանակահատվածում, ստանձնած պարտավորություններ ունի կատարելու, որից հետո անցնելու է ընդհատակ, Հայաստանից հեռու։

Սակայն դրա մասին չեմ գրում։ Ինձ հետաքրքրում են այն մարդիկ, որոնք շարունակում են օգտագործվել, ինչ-որ անհասկանալի հույսեր փայփայելով, որ հրաշքով Նիկոլը մնալու է։

Նիկոլը իր գլխի ճարը կտեսնի, բա դուք ինչ եք անելու, ուր եք գնալու։ Մնալու եք եւ ձեր արածների, չարածների, վերջերս բեմադրվող «առաջնագծից» կլիպների, հայհոյանքների ու բազմաթիվ այլ բաների համար պատասխանատվության եք ենթարկվելու, ով լեռների օրենքներով, ով լեգալ օրենքներով։

Տարօրինակ է, որ այս պարզ ճշմարտությունը բացատրելու կարիք կա»։