«Ուժայինների հավելավճարների մասով խնդիր չունենք․ կլուծվի». վարչապետ

«Ուժային կառույցների ծառայողները մտահոգություն ունեն, որ, պայմանավորված ֆինանսատնտեսական ծանր դրությամբ, իրենց հավելավճարները կարղ են չտրվել, Կուզեի իմանալ հատկապես ԱԱԾ, ոստիկանության, ՊՆ, ՊԵԿ-ի կրտսեր, միջին և ավագ խմբի աշխատողների ճակատագիրն այս առումով, որոնք իրականում գերծանրաբեռնված աշխատանք են իրականացնում»,- դիմելով ՀՀ վարչապետին՝ Աժ-ում ասաց իմքայլական պատգամավոր Արմեն Խաչատրյանը։

Արձագանքելով պատգամավորին՝ վարչապետը հայտարարեց, որ նման խնդիր չկա. «Առաջին անգամ եմ լսում նման բանի մասին և չեմ կարծում, թե քննարկվում է նման սցենար, որ չվճարենք որևէ մեկին, առավել ևս՝ նշված ծառայողներին»,- ասաց Փաշինյանը՝ խոստանալով մտահոգությունն ընդունել ի գիտություն։