«Նիկոլը փրկեց ժողովրդին. թողեր` հինգ ժամ հետո փրթելու էին մեր երեխեքին». աջակից

Իշխանությանն աջակցող քաղաքացիները Հրապարակում «Նիկո՛լ, Նիկո՛լ» վանկարկումներով դիմավորեցին վարչապետ Նիկոլ Փաշինյանին: Վերջինը կարճ ելույթ ունեցավ, ապա շտապեց Կառավարության շենք:

«Եկել ենք այստեղ՝ պահանջելու, որ մեր վարչապետը հանկարծ մի վայրկյան հրաժարականի մասին չմտածի... Նա փրկել է հայ ժողովրդին, թողեր՝ հինգ ժամ հետո փրթելու էին մեր երեխեքին, մեզ էլ հետը»,- ասաց քաղաքացիներից մեկը:

Ավելի վաղ հայտնի էր դարձել, որ Արցախից Հայաստան վերադարձած մի շարք զինծառայողներ և որպես կամավոր առաջնագիծ մեկնած քաղաքացիներ հանրահավաք են անցկացնելու Երևանում՝ ի պաշտպանություն ՀՀ կառավարության և վարչապետի։