«Խոստովանում է, որ այս ընթացքում շատ ավելի լավ փաթեթներ են եղել». Տիգրան Աբրահամյան
307 Կիրակի, 29 նոյեմբերի, 2020 թ., 11:30 «Հենակետ» վերլուծական կենտրոնի ղեկավար Տիգրան Աբրահամյանը ֆեյսբուքյան իր էջում գրել է. «Նիկոլ Փաշինյանը մի ծավալուն գրառմամբ փորձել է արդարացնել երկիրն այս խայտառակ վիճակին հասցնելը՝ հղումներ արել գործընթացի տարբեր փուլերի իր պատկերացումների մասին։ Կարճ ասած, նշում է, որ իրավիճակի ավելի բարենպաստ տարբերակներ են եղել, բայց ինքն այս 2.5 տարվա ընթացքում ստիպված մերժել է՝ դավաճանի պիտակից զերծ մնալու համար։ Հասկանո՞ւմ եք, Հայաստանն ու Արցախը տարել է ցնցումների ճանապարհով, Արցախի 75-80%-ը հանձնել Ադրբեջանին, մի քանի հազար մարդ ենք կորցրել, հսկայական թիվ են կազմում անհետ կորածներն ու հաշմանդամները և Նիկոլն այս ամենին գիտակցված գնացել է, որ մեզ համոզի, որ ինքը դավաճան չի, ուղղակի այդպես ստացվեց։ Կրկնում եմ՝ խոստովանում է, որ այս ընթացքում շատ ավելի լավ փաթեթներ են եղել, քանի իր ստորագրածը, բայց ինքը մերժել է ու վերջում այս կործանարար փաստաթուղթն ստորագրել։ Ի դեպ, ՌԴ այցից առաջ ակնարկում է, որ բարեկամ երկրները ևս հակված են եղել մեր համար վատ տարբերակներին։ Թե ինչու է իր այցից առաջ առանց այդ էլ ոչ լավ օրեր ապրող Ռուսաստանի հետ հարաբերությունների վրա քար գցում, ուղղակի անբացատրելի է»։ |
«Նիկոլի օրոք հանրության կողմից չկա պայքար»․ Նաիրի Հոխիկյան
3314:00«Հենց նոր ավարտեցին տանս խուզարկությունը»․ Արա Պապյան
9211:36«Հիմա էլ Փաշինյանն է ընկել իմ հետևից»․ Վոլոդյա Ավետիսյան (տեսանյութ)
10710:30Խուզարկում են Վոլոդյա Ավետիսյանի տունը (տեսանյութ)
9809:36Ոսկեպարցիներն անհամբեր սպասում են․ «Հրապարակ»
9009:30Իշխան Սաղաթելյանի հոր նկատմամբ քրեական հետապնդում է հարուցվել․ «Հրապարակ»
8509:24Սպասվում է առանց տեղումների եղանակ (լուսանկար)
7808:30«Վիշապի հետ մտնում ենք խաղաղության սիրային կապերի մեջ». Տիգրան Հեքեքյան (տեսանյութ)
10803:18