«Արժեքներն ու սկզբունքներն փոխվում են՝ կախված զբաղեցրած աթոռից». Նաիրի Հոխիկյան

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Նախկինում, երբ խոսում էի ապագայի սպառնալիքների մասին, ինձ համոզում էին, թե պետք չի ապագայի մասին մտածել, պետք է ապրել ներկայով։

Այսօր, երբ խոսում եմ ներկայի սպառնալիքների մասին, նույն մարդիկ ինձ համոզում են, թե պետք է մի կողմ դնել ներկան և խոսել ապագայի հնարավորությունների մասին։ Նախկինում, երբ խոսում էի միասնականության և հանդուրժողականության անհրաժեշտության մասին, ինձ ասում էին, թե չի կարելի հանդուրժել այլախոհներին, իրենց բնորոշմամբ՝ սևերին, պետք է ներսում թշնամիներ փնտրել։
Այսօր, երբ խոսում եմ պարտվողներին և ազգին իրար դեմ հանողներին մերժելու մասին, ինձ ասում են՝ եկեք միասնական կամք դրսևորենք, հանդուրժենք միմյանց։ Արժեքներն ու սկզբունքներն այսքան արագ են փոխվում՝ կախված զբաղեցրած աթոռից»։