«Ռուսաստանից պորտալարը կտրելու ժամանակն է». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Հայաստանը ԵՐԲԵՔ չի կարող Ռուսաստանի համար նույնքան կարևոր լինել, որքան Թուրքիան ու Ադրբեջանը։ Անգամ միայն Ադրբեջանը։ Հիմա Ադրբեջանն ավելի է կարևորվում Ռուսաստանի համար՝ նա դառնում է ուղիղ երկաթուղային և ճանապարհային կապ Թուրքիայի և Իրանի հետ։
Ռուսաստանից պորտալարը կտրելու ժամանակն է, հակառակ դեպքում մենք ամբողջովին կկործանվենք։ Անվտանգության նոր միջավայր պետք է ստեղծել, նոր դաշնակիցներ գտնել։ Պատերազմը ցույց տվեց, որ ռուսական անվտանգությունը կեղծ ու պատրանքային է»: